استيقظت من نومى هذا الصباح على صوت زوجتى الحنون وهى تقول لى وهى تنتزع المخدة من تحت رأسى بطريقة إسرائيلية " قوم يا بيه علشان تجيب لنا طلبات البيت علشان الخدامة اللى اشتروها لك اهلك تجهز الغدا لسيادتك " كانت هذه هى أرق جملها التى أسمعها عند استيقاظى . المهم إنى استيقظت وارتديت ملابسى الخاصة بالتسوق وهى عادة تتكون بنطلون ترينيك وفانيلة نص كم وشبشب صباع .
وخرجت من المنزل متوجهاً إلى سوبر ماركت يبيع بسعر الجملة أو نصف جملة حتى لا أتعرض للتوبيخ من زوجتى عندما تراجع معى أسعار ما اشتريته ثم تتهمنى بأننى خرونج ولن أكون كنج كونج . أكملت سيرى فوجدت أمامى مبنى ضخم مكتوب عليه " مول المصرى " واستغربت كيف لم ألاحظ ها المبنى من قبل . المهم ورغم هيئتى المزرية واتساع أستك البنطلون قررت الدخول إلى هذا المول .
فوجئت بأحد العاملين بالمول يقترب منى أثناء دخولى وهو يبتسم لى قائلاًَ " أهلا وسهلا يا فندم شرفتنا انا سأكون مرشد سيادتك وأنت بتجول فى المول " نظرت له نظرة مسبهلة بفم مفتوح بطريقة تظهر معظم ضروسى المتآكلة بفعل التسوس فأنا لم أنعم بمثل هذه المعاملة عند شرائى لشيء من قبل فقد اعتدت على الطابور والقتال والتعرض للضرب أو السرقة أو التحرش عند شراء شيء ما . سرت معه وأنا اشعر وهو يمسك بيدى بانى فأر يمسك به صاحب المنزل من ذيله ليلقيه من المنور بعد أن ضربه بالشبشب . استيقظت على صوته وهو يقول لى " تحب سيادتك نبدأ بقسم إيه " رددت عليه بكل بلاهة وبحركة غريبة من يدى قائلا " اى حاجة " رد قائلا " انا افضل نبدأ بركن المجمدات وهناك حتشوف أكبر ثلاجة فى مصر " ذهبنا ووجدت فعلا ثلاجة عرض كبيرة جدا ممتلئة بما لا أعرفه وسألته " إيه اللى فى الركن ده ومجمد خالص ولونه غامق جدا " " ده الضمير سيادتك بس ما انصحكش تاخد منه لنه متجمد من فترة وصلاحيته خلصت وحنطلعه ونرميه قريب " .
- طاب إيه اللى جنبه ده .
- دى عايزة سؤال يا افندم دى الكرامة طبعاً
- والحاجات دى فى حد بيشتريها .
- لأ يا فندم بس لازم يكون فى منها علشان محدش يقول رحت اشترى مالقيتش عندهم ضمير ولا كرامة .
آه فهمت المهم انها تكون موجودة كمنظر وبس ، طيب وإيه اللى فى كرتونة زى كرتونة البيض ده
- ده سيادتك مرارة وبيتباعوا فى طبق 30 مرارة ذى البيض كدة وسيادتك تركب المرارة دى مكان الكبد الصبحية وانت رايح الشغل وعلى أخر النهار بتكون اتفقعت ويتركب واحدة غيرها فى الصبحية .
-وإيه اللى معلق فوق ده متهيألى بسطرمة ولا لانشون .
- لا يا فندم أكيد حضرتك جربت اللحم البارد وكلته مرة اما ده سيادتك إعلام بارد وإعلاناته موجودة فى معظم القنوات الفضائية ، سيادتك ده من ميزته إنك ممكن تأكله وممكن تشربه بس ما ينفعش سخن لأنه دايما بيقدم بارد .
- ومين الناس اللى واقفة تضحك من غير سبب .
- دول الشيفات اللى بيقدموا طبق الإعلام البارد على الفضائيات .
- حلو خالص بس أنا مش بحب ولا حاجة من دى ياترى ممكن نروح قسم تانى
- تحت أمرك يا فندم وانا شايف مادام خلصنا قسم المجمدات يبقى نروح قسم المشويات وده حيعجبك خالص ، اتفضل .
وسرنا سويا حتى وصلنا لقسم المشويات هذا القسم الذى لا اتعامل معه فى الواقع فالكباب والكفته والفراخ المشوية هى بالنسبة لى ذكريات لم تحدث معى إطلاقاً . أفقت من تأملاتى على صوت مضيفى وهو يقول لى وصلنا تفضل .
دخلنا قسم المشويات ورائحة الشواء هنا غريبة على أنفى وعندما سالته ما نوع المشويات هنا أشار إلى ركن فى القسم وقال " انظر هناك هذا افضل الأطباق المشوية وهو طبق المواطن المشوى وده بنجيب فيه المواطن ونتبله بالهموم والمشاكل والبانجو والمخدرات وننقعه يومين فى بيئة ملوثة هوائيا ومائيا وغذائيا يبقى بعدها عامل زى الفرخة الدايخة ناخده ونشويه على نار الأسعار
- قصدك نار جهنم .
- لا ياباشا نار الأسعار بتختلف عن نار جهنم بكتير فنار جهنم ممكن تتجنبها لو كنت مؤمن وتتقى الله أما نار الأسعار فحتصيبك حتى لو كنت قديس كمان نار جهنم بتتعاقب بيها على ذنب عملته اما نار السعار فتتعاقب بيها على ذنوب كتير ماعملتهاش كمان نار جهنم ما تصيبش مؤمن اما نار الأسعار فشعارها المؤمن مصاب كمان نار جهنم بتشويك فى الآخرة أما نار الأسعار فتشويك دنيا وآخره وكمان نار جهنم بتهرب منها وتطلب رحمة ربنا اما نار الأسعار ورحمة أمك ما حتقدر تعمل فيها حاجة كمان نار جهنم تـ.........
- بس كفاية يا عم عرفنا نار جهنم بئس المصير ونار الأسعار بئس الضمير ، ابقى لفلى مواطن مشوى خالى الدهون لو سمحت.
- ما تخافش يا فندم المواطن المشوى ده مكتوب عليه ولا دهون عليا يا حبيبى
- طيب كفاية كده يلابينا القسم اللى هناك ده .
وصلنا لأجد يافطة مكتوب عليها " قسم الطحن " ودخلنا فوجدت كيساً به مادة مطحونة سمراء نوعا ما رائحتها غريبة فسألته ما هذا فرد قائلا
- ده مواطن مطحون سيادتك ، إحنا بنجيب المواطن طازة وبنشفه على تصريحات المسئولين وبعدين بنحطه فى مطحنه ثلاثية الترس ترس المرض وترس التلوث وترس الجهل والفقر يطلع المواطن مطحون وناعم زى الفل .
- وبتعملوا إيه بالمواطن المطحون ده.
- بنرشه على البلاد اللى حوالينا بيزرع عمال وصنايعيه وفواعليه يشتغلوا ويكفوا نفسهم بقى.
ثم نظر إلىً مليا ثم قال
- انت شكلك مناسب ناشف ومعضم وبتشتكى كتير ومفيش حاجة عاجباك يبقى لازم تتطحن .
ثم نادى على العاملين بالقسم قائلا " خدوه " هجم عليا العاملين وامسكونى بالقوة ذاهبين بى إلى المطحنة وهم يرددون نشيدهم " الطحن الطحن الطحن الطحن الطحن " وأنا أصرخ " لاااااااااا مش عايز أطحن مش عايز أطحن ........ "
" انت يا ذفت سيادتك لسه نايم وكمان بتزعق وانت نايم ده قلبك ميت ياخى انا حاوريك ".
فتحت عينى مثل كل الأفلام العربية والمسلسلات لأجد نفسى فى منزلى وعلى سريرى وزوجتى تصرخ فيا قائلة " انت لسه نايم فز قوم هات الطلبات يلا غور " ابتسمت لها وأنا اقول " انتى تأمرى المهم هربت ونفدت " ثم اتجهت لباب شقتى خارجا لشراء الطلبات المنزلية لأسمع صوت زوجتى تقول بصوت منخفض وسخرية شديدة " انت فاكر نفسك هربت من المطحنة ما انت واقع فيها من عشرين سنة يا حمار " وتذكرت صوت عادل إمام فى فيلم أمير الظلام الطحن الطحن الطحن الطحن الطحن الطحن الفحت الفحت الفحت الفحت الفحت فهل ترانى أعيش حياة امير الظلام ام حياة ظلام الأمير .
من ابداعات هــــــــا
وخرجت من المنزل متوجهاً إلى سوبر ماركت يبيع بسعر الجملة أو نصف جملة حتى لا أتعرض للتوبيخ من زوجتى عندما تراجع معى أسعار ما اشتريته ثم تتهمنى بأننى خرونج ولن أكون كنج كونج . أكملت سيرى فوجدت أمامى مبنى ضخم مكتوب عليه " مول المصرى " واستغربت كيف لم ألاحظ ها المبنى من قبل . المهم ورغم هيئتى المزرية واتساع أستك البنطلون قررت الدخول إلى هذا المول .
فوجئت بأحد العاملين بالمول يقترب منى أثناء دخولى وهو يبتسم لى قائلاًَ " أهلا وسهلا يا فندم شرفتنا انا سأكون مرشد سيادتك وأنت بتجول فى المول " نظرت له نظرة مسبهلة بفم مفتوح بطريقة تظهر معظم ضروسى المتآكلة بفعل التسوس فأنا لم أنعم بمثل هذه المعاملة عند شرائى لشيء من قبل فقد اعتدت على الطابور والقتال والتعرض للضرب أو السرقة أو التحرش عند شراء شيء ما . سرت معه وأنا اشعر وهو يمسك بيدى بانى فأر يمسك به صاحب المنزل من ذيله ليلقيه من المنور بعد أن ضربه بالشبشب . استيقظت على صوته وهو يقول لى " تحب سيادتك نبدأ بقسم إيه " رددت عليه بكل بلاهة وبحركة غريبة من يدى قائلا " اى حاجة " رد قائلا " انا افضل نبدأ بركن المجمدات وهناك حتشوف أكبر ثلاجة فى مصر " ذهبنا ووجدت فعلا ثلاجة عرض كبيرة جدا ممتلئة بما لا أعرفه وسألته " إيه اللى فى الركن ده ومجمد خالص ولونه غامق جدا " " ده الضمير سيادتك بس ما انصحكش تاخد منه لنه متجمد من فترة وصلاحيته خلصت وحنطلعه ونرميه قريب " .
- طاب إيه اللى جنبه ده .
- دى عايزة سؤال يا افندم دى الكرامة طبعاً
- والحاجات دى فى حد بيشتريها .
- لأ يا فندم بس لازم يكون فى منها علشان محدش يقول رحت اشترى مالقيتش عندهم ضمير ولا كرامة .
آه فهمت المهم انها تكون موجودة كمنظر وبس ، طيب وإيه اللى فى كرتونة زى كرتونة البيض ده
- ده سيادتك مرارة وبيتباعوا فى طبق 30 مرارة ذى البيض كدة وسيادتك تركب المرارة دى مكان الكبد الصبحية وانت رايح الشغل وعلى أخر النهار بتكون اتفقعت ويتركب واحدة غيرها فى الصبحية .
-وإيه اللى معلق فوق ده متهيألى بسطرمة ولا لانشون .
- لا يا فندم أكيد حضرتك جربت اللحم البارد وكلته مرة اما ده سيادتك إعلام بارد وإعلاناته موجودة فى معظم القنوات الفضائية ، سيادتك ده من ميزته إنك ممكن تأكله وممكن تشربه بس ما ينفعش سخن لأنه دايما بيقدم بارد .
- ومين الناس اللى واقفة تضحك من غير سبب .
- دول الشيفات اللى بيقدموا طبق الإعلام البارد على الفضائيات .
- حلو خالص بس أنا مش بحب ولا حاجة من دى ياترى ممكن نروح قسم تانى
- تحت أمرك يا فندم وانا شايف مادام خلصنا قسم المجمدات يبقى نروح قسم المشويات وده حيعجبك خالص ، اتفضل .
وسرنا سويا حتى وصلنا لقسم المشويات هذا القسم الذى لا اتعامل معه فى الواقع فالكباب والكفته والفراخ المشوية هى بالنسبة لى ذكريات لم تحدث معى إطلاقاً . أفقت من تأملاتى على صوت مضيفى وهو يقول لى وصلنا تفضل .
دخلنا قسم المشويات ورائحة الشواء هنا غريبة على أنفى وعندما سالته ما نوع المشويات هنا أشار إلى ركن فى القسم وقال " انظر هناك هذا افضل الأطباق المشوية وهو طبق المواطن المشوى وده بنجيب فيه المواطن ونتبله بالهموم والمشاكل والبانجو والمخدرات وننقعه يومين فى بيئة ملوثة هوائيا ومائيا وغذائيا يبقى بعدها عامل زى الفرخة الدايخة ناخده ونشويه على نار الأسعار
- قصدك نار جهنم .
- لا ياباشا نار الأسعار بتختلف عن نار جهنم بكتير فنار جهنم ممكن تتجنبها لو كنت مؤمن وتتقى الله أما نار الأسعار فحتصيبك حتى لو كنت قديس كمان نار جهنم بتتعاقب بيها على ذنب عملته اما نار السعار فتتعاقب بيها على ذنوب كتير ماعملتهاش كمان نار جهنم ما تصيبش مؤمن اما نار الأسعار فشعارها المؤمن مصاب كمان نار جهنم بتشويك فى الآخرة أما نار الأسعار فتشويك دنيا وآخره وكمان نار جهنم بتهرب منها وتطلب رحمة ربنا اما نار الأسعار ورحمة أمك ما حتقدر تعمل فيها حاجة كمان نار جهنم تـ.........
- بس كفاية يا عم عرفنا نار جهنم بئس المصير ونار الأسعار بئس الضمير ، ابقى لفلى مواطن مشوى خالى الدهون لو سمحت.
- ما تخافش يا فندم المواطن المشوى ده مكتوب عليه ولا دهون عليا يا حبيبى
- طيب كفاية كده يلابينا القسم اللى هناك ده .
وصلنا لأجد يافطة مكتوب عليها " قسم الطحن " ودخلنا فوجدت كيساً به مادة مطحونة سمراء نوعا ما رائحتها غريبة فسألته ما هذا فرد قائلا
- ده مواطن مطحون سيادتك ، إحنا بنجيب المواطن طازة وبنشفه على تصريحات المسئولين وبعدين بنحطه فى مطحنه ثلاثية الترس ترس المرض وترس التلوث وترس الجهل والفقر يطلع المواطن مطحون وناعم زى الفل .
- وبتعملوا إيه بالمواطن المطحون ده.
- بنرشه على البلاد اللى حوالينا بيزرع عمال وصنايعيه وفواعليه يشتغلوا ويكفوا نفسهم بقى.
ثم نظر إلىً مليا ثم قال
- انت شكلك مناسب ناشف ومعضم وبتشتكى كتير ومفيش حاجة عاجباك يبقى لازم تتطحن .
ثم نادى على العاملين بالقسم قائلا " خدوه " هجم عليا العاملين وامسكونى بالقوة ذاهبين بى إلى المطحنة وهم يرددون نشيدهم " الطحن الطحن الطحن الطحن الطحن " وأنا أصرخ " لاااااااااا مش عايز أطحن مش عايز أطحن ........ "
" انت يا ذفت سيادتك لسه نايم وكمان بتزعق وانت نايم ده قلبك ميت ياخى انا حاوريك ".
فتحت عينى مثل كل الأفلام العربية والمسلسلات لأجد نفسى فى منزلى وعلى سريرى وزوجتى تصرخ فيا قائلة " انت لسه نايم فز قوم هات الطلبات يلا غور " ابتسمت لها وأنا اقول " انتى تأمرى المهم هربت ونفدت " ثم اتجهت لباب شقتى خارجا لشراء الطلبات المنزلية لأسمع صوت زوجتى تقول بصوت منخفض وسخرية شديدة " انت فاكر نفسك هربت من المطحنة ما انت واقع فيها من عشرين سنة يا حمار " وتذكرت صوت عادل إمام فى فيلم أمير الظلام الطحن الطحن الطحن الطحن الطحن الطحن الفحت الفحت الفحت الفحت الفحت فهل ترانى أعيش حياة امير الظلام ام حياة ظلام الأمير .
من ابداعات هــــــــا
ليست هناك تعليقات:
إرسال تعليق