حقكم علينا
فى يوم 25 كنتوا فى الميدان واقفين
واحنا بتفرج عليكم واحنا فى بيوتنا تحت البطاطين
وقفتوا فى الميدان وقلتوا يا مسئولين العدل فين
واحنا فى بيوتنا بنشرب الشاى وبناكل لقمتين
طلعوا المسئولين علينا وقالوا دول عيال مهيسين
قلنا ليه لأ ؟ ........ حد عارف دول مين
*** *** *****
فضلتوا لتانى يوم واقفين ومصممين
قالوا عليكم مثيرى شغب وبلطجية ونصابين
هنبعت الامن يضربهم ويفرقهم ويكسر لهم عضمتين
قالوا محدش يصدقهم دول عيال مبرشمين
قلنا يمكن !!!!!! حد عارف دول مين
*** *** *****
وجه تالت يوم .... وانتوا لسة واقفين
اكيد جعانين بردانين ... لكن على مبدأكم ثابتين ومصممين
قالوا عليكم دول شوية مرتشين وفى الخارج متدربين
بيجيلكم كل يوم كنتاكى وخيم وبطاطين
وآخر اليوم تتزرفوا ورقة بخمسين
قلنا يمكن ... حد عارف دول مين
*** *** *****
لغاية ما جه اليوم اللى هيتحاسبوا عليه كل يوم ليوم الدين
ضربوا الرصاص على شوية ولاد غلبانين
داسوهم بعربياتهم ومجنزراتهم ووروهم الامرين
عملوا فيهم اللى ما يرضيش اى ذمة واى دين
سابوكم على الارض يا الله فى دمكم غرقانين
كأنكم اعداء كأنكم ارهابيين
موتوا وقتلو شباب زى الورد .. وبنت ببسمة حلوة وكمان طفلين
ساعتها عرفنا واتأكدنا انتوا مين
لأ ... دول مش ارهابيين
لأ .. دول مش مأجورين
لأ ... دول مش عملاء ولا نصابين
دول اخويا واخوك . ابنى وابنك .. دول مصطفى وجرجس وياسين
يا حرقة قلب ابوكى يا سالى ... يا حسرة قلب امك يا حسين
*** *** *****
وجه تانى يوم عليكم وانتوا برضه واقفين
وكل شهيد استشهد اهله مكانه واقفين
بتصرخوا بكل قوة بكل ايمان
ودم الشهداء على الارض بيصرخ قدكم مرتين
وعقول المسئولين جوه دماغهم زى رجليهم مرعوشين
وودانهم من الغباوة واقفة وبقى طولها مترين
بقيتوا انتوا طايلين السما فوق
وهما تحت تحت تحت فى اسفل السافلين
وبقيت تصاريحهم سخيفة وبهتانة
وبقوا لما يتكلموا بيملوا الجو بريحة نتانة
اصلى قلوبهم كانت بالعفن مليانة
بانت فضايحهم وطلعت ريحتهم
بقى كل واحد يرمى على التانى بلاويه
قال يعنى التانى فاضى
ماعندهوش من البلاوى اللى مكفيه
استقالة من هنا واقالة من هنا
واللى لقاله ركن استخبى فيه
*** *** *****
ومرت الايام عليكم وانتوا فى منتهى الحضارة
ثورة بيضاء نقية سلمية وفى منتهى الطهارة
واديتونا فى العفة والوحدة والصدق
مليون دليل ومليون امارة
واخيراً استجاب الله للنداء ...
استجاب الله لدم الشهداء
فى نجع حمادى
فى كنيسة القديسين
فى ميدان التحرير
فى اسكندرية .. فى السويس .. فى سيناء
ورحل النظام
وحل الظلام
ورحل كل من اكل حرام
ورحل من زور الاوراق والكلام
رحل الظلم ورحل الجبروت
وارتفعت رأس المصرى فوق كل امة
وارتفع صوت المصرى فوق كل صوت
وفى النهاية اسمحولى اطلب منكم
نقف كلنا نقرا الفاتحة ونقرا جى بنيوت
لشهدائنا اللى فى السماء وفى الملكوت
شعر / هانى ملاك
فى يوم 25 كنتوا فى الميدان واقفين
واحنا بتفرج عليكم واحنا فى بيوتنا تحت البطاطين
وقفتوا فى الميدان وقلتوا يا مسئولين العدل فين
واحنا فى بيوتنا بنشرب الشاى وبناكل لقمتين
طلعوا المسئولين علينا وقالوا دول عيال مهيسين
قلنا ليه لأ ؟ ........ حد عارف دول مين
*** *** *****
فضلتوا لتانى يوم واقفين ومصممين
قالوا عليكم مثيرى شغب وبلطجية ونصابين
هنبعت الامن يضربهم ويفرقهم ويكسر لهم عضمتين
قالوا محدش يصدقهم دول عيال مبرشمين
قلنا يمكن !!!!!! حد عارف دول مين
*** *** *****
وجه تالت يوم .... وانتوا لسة واقفين
اكيد جعانين بردانين ... لكن على مبدأكم ثابتين ومصممين
قالوا عليكم دول شوية مرتشين وفى الخارج متدربين
بيجيلكم كل يوم كنتاكى وخيم وبطاطين
وآخر اليوم تتزرفوا ورقة بخمسين
قلنا يمكن ... حد عارف دول مين
*** *** *****
لغاية ما جه اليوم اللى هيتحاسبوا عليه كل يوم ليوم الدين
ضربوا الرصاص على شوية ولاد غلبانين
داسوهم بعربياتهم ومجنزراتهم ووروهم الامرين
عملوا فيهم اللى ما يرضيش اى ذمة واى دين
سابوكم على الارض يا الله فى دمكم غرقانين
كأنكم اعداء كأنكم ارهابيين
موتوا وقتلو شباب زى الورد .. وبنت ببسمة حلوة وكمان طفلين
ساعتها عرفنا واتأكدنا انتوا مين
لأ ... دول مش ارهابيين
لأ .. دول مش مأجورين
لأ ... دول مش عملاء ولا نصابين
دول اخويا واخوك . ابنى وابنك .. دول مصطفى وجرجس وياسين
يا حرقة قلب ابوكى يا سالى ... يا حسرة قلب امك يا حسين
*** *** *****
وجه تانى يوم عليكم وانتوا برضه واقفين
وكل شهيد استشهد اهله مكانه واقفين
بتصرخوا بكل قوة بكل ايمان
ودم الشهداء على الارض بيصرخ قدكم مرتين
وعقول المسئولين جوه دماغهم زى رجليهم مرعوشين
وودانهم من الغباوة واقفة وبقى طولها مترين
بقيتوا انتوا طايلين السما فوق
وهما تحت تحت تحت فى اسفل السافلين
وبقيت تصاريحهم سخيفة وبهتانة
وبقوا لما يتكلموا بيملوا الجو بريحة نتانة
اصلى قلوبهم كانت بالعفن مليانة
بانت فضايحهم وطلعت ريحتهم
بقى كل واحد يرمى على التانى بلاويه
قال يعنى التانى فاضى
ماعندهوش من البلاوى اللى مكفيه
استقالة من هنا واقالة من هنا
واللى لقاله ركن استخبى فيه
*** *** *****
ومرت الايام عليكم وانتوا فى منتهى الحضارة
ثورة بيضاء نقية سلمية وفى منتهى الطهارة
واديتونا فى العفة والوحدة والصدق
مليون دليل ومليون امارة
واخيراً استجاب الله للنداء ...
استجاب الله لدم الشهداء
فى نجع حمادى
فى كنيسة القديسين
فى ميدان التحرير
فى اسكندرية .. فى السويس .. فى سيناء
ورحل النظام
وحل الظلام
ورحل كل من اكل حرام
ورحل من زور الاوراق والكلام
رحل الظلم ورحل الجبروت
وارتفعت رأس المصرى فوق كل امة
وارتفع صوت المصرى فوق كل صوت
وفى النهاية اسمحولى اطلب منكم
نقف كلنا نقرا الفاتحة ونقرا جى بنيوت
لشهدائنا اللى فى السماء وفى الملكوت
شعر / هانى ملاك
