مكالمة مع الخال
\\\\\\\\\\\\\\\\\\\\\\\
جبت للواد كباية زبادى وكان فيها كود يكسبك 10 دقايق فقلت اكلم الخال
يمكن
يمكن
يكون لسة فى ممكن .
\\\\\\\\\\\\\\\\\\\\\
جرس
ألو
إزيك يا خال
إيه أمال
مال صوتك ضحكته مارناش
وبسمته ماطلعاش
إنطفى جواك الأمل
علشان زينا مامعاكاش
ولا لسة ما إنطفاش
=========
هى لماضة لسانك ماهتبطلهاش
مستورة والحمد لله
دول شوية برد بس مايجراش
المهم اخبارك ايه
لساك شايف الايام شوية اوباش
تخدمك لو معاك
وتلطشلك لو ممعاكاش
بس باينله يا واد معاك
ولا بتتكلم ببلاش
. بأتكلم ببلاش
من غطا زبادى ماكلتهاش
. ليه ؟ مش بتاخد مرتب
. باخد
وحوافز ومكافآت
. باخد
بس خد بالك
. ماكفاية يا خال حد غيرى ياخد
هو ليه كله فى الغلط بيدينا
على قفانا بيدينا
على عقولنا بيدينا
ده حتى محمد رمضان بيدينا
فى العشة
فى الجركن
فى الارض تفحر
كتر خيره بيدينا
وإحنا بناخد
\\\\\\\\\\\\\\\\\\\\\\\
إتلم يا واد يلعن أبو شكلك
هى دى الرباية اللى ربوهالك أهلك
. حاضر يا خال
بس أتلم أكتر من كده إيه
ده مفيش حاجة بيجيبها الجنيه
ده أنا لو فطرت فول أبقى بيه
طب إيه ؟؟؟
أعمل إيه
الحالة بقت عفن
والأمل شكله إندفن
حتى الرغبة صابها الوهن
ده أنا حبيت الحياة
علشان اوفر على اهلى تمن الكفن
شوفت فى حياتك زى ده زمن
طب امبارح عدى وعلى جنب إتركن
والنهادرة معاند مليان محن
بس بكرة
المهم بكرة
ياترى
هيلاقيله جوه الأمل سكن ؟
ولا نلمله من بعض تمن الكفن ؟
ببســــــــــــــــــــــــــــــــــــــاطـــــــــة
إن كان الكفر يدعو إلى محبة كل الناس حتى الأعداء
وإن كان الكفر يدعو إلى العطاء حتى من أعوازك
وإن كان الكفر يدعو إلى مسالمة جميع الناس
وإن كان الكفر يدعو إلى عدم رد الإساة بالإساءة بل مقابلتها بالخير
وإن كانت ثمار الكفر هى المحبة والفرح والسلام وطول الأناة والتعفف واللطف والوداعة
وإن كان الكفر يدعو إلى التسامح
وإن كان الكفر يدعو إلى تفتيش الكتب والمعرفة والقراءة والإطلاع
وإن كان الكفر يدعو عدم العبودية لشهوات الجسد
وإن كان الكفر يدعو إلى السمو بالروح
وإن كان الكفر لا يسمى الآخر المختلف معه كافراً ولا يكفره
وإن كان الكفر يدعونى إلى البعد عن الخمر التى فيها خلاعة
وإن كان الكفر لا يقصر دخول الجنه على أتباعه فقط
وإن كان وإن كان وإن كان
إن كان الكفر يدعو إلى هذا كله
فإن الكفر هو الإيمان الحقيقى وإن كان الإيمان لا يدعو إلى ذلك .
فما قيمة الإيمان ؟
وما هو الإيمان إن خلا من كل هذا ؟
أليس الإيمان فى جوهره هو معرفة الله بكل تلك الوسائل
أليس الإيمان هو مجموعة قيم إنسانية وأخلاقية تتفق مع كوننا إنسان تتفق مع بشريتنا وإنسانيتنا
لذا أقر هنا أننى لى عظيم الشرف أن أكون ممن يعتنقون هذا الكفر
كافر بالجحود
كافر بالتفاهة
كافر بحيوانية الطباع
كافر بهمجية العنف
#أنا_فخور_بكفرى
#هانى_ملاك
@هانى ملاك
لاتكن شرها ، فإن الإنسان لم يخلق ليأكل ، بل يأكل ليعيش حياة طيبة .
الحكيم الفرعوني آني
"ليست السعادة بالثروة وحيازة الأموال ، وإنما هى في التمسك بالفضيلة "
الحكيم الفرعوني آني
