زى ما انت
**********
هو انت ازاى فى حبك بتفضل زى ما انت
مهما ابعد واغلط . بتغفر زى ما انت
لو حسينا انك ناسينا . انت فاكرنا زى ما انت
لو رحنا وبعيد جرينا . قريب زى ما انت
لو مرة عليك قسينا . حنين زى ما انت
لو الكون جه علينا . بتفضل زى ما انت
لو نفوسنا عاشت فى حرب .. انت سلام زى ما انت
لو مرينا بضيقة وكرب .. انت معزى زى ما انت
انت ايه يا رب انت ؟
هو فى زيك انت ؟
رغم كل ضعفاتى
رغم كل سقطاتى
رغم كل نجاساتى
قابلنى فى حبك زى ما انت
شايلنى فى قلبك زى ما انت
وجوه عينك زى ما انت
انت ايه يا رب انت
هو فى زى حبك انت
ده انت وحدك وانت بس
انت انت زى ما انت
******************
انت لسة زى ما انت بتراعينى ؟
+ من مسكم مس حدقة عينى +
ولسة سامع حزن نفسى وانينى ؟
+ نقشتكم على كفى . تحوطكم يمينى +
******************************
واللى قتلنى وقاللى انتوا الكفر فيكم
+ أحبوا أعدائكم ... وباركوا لاعنيكم +
*****************************
طب والعالم اللى قلبه داعشى وفكره نازى
+ إوعى تنسى . لى النقمة وانا اجازى +
***********************************
انا واثق دايماً فى كلامك انت
واثق اكتر فى حبك انت انت ايه يا رب انت
ليست هناك تعليقات:
إرسال تعليق