ولسة بحب بلدى
=========
ولسه بحب بلدى . بحبها بجنون
ولسه شايفها أجمل ما ف الكون
رغم الجهل
رغم الفقر
رغم سوء الظنون
===============
رغم إنى عايش فيها يمكن ع الهامش
وحتى ولو إعتبرونى عايش ومش عايش
شايفها دنيتى
شايفها جنتى
حتى دفنتى
تحت ترابها بتحسسنى إنى عايش
==================
بحبها بتفاصيلها وبكل معانيها
بحبها بوعد ربنا إنه حاميها
بحب كل ذرة تراب ف أراضيها
هأعيش وأموت وأندفن فيها
===============
رغم كل المعاناه
رغم علو صوت الآه
رغم صعوبة الحياة
هيفضل حب بلدى طوق نجاه
ليست هناك تعليقات:
إرسال تعليق