بلادى يا بلادى انا بحبك يا بلادى

بلادى يا بلادى انا بحبك يا بلادى
بحب ترابك المخلوط بدم الشهداء
بحب سماكى المرفوعة بالصلوات
بحبك وانتى بصحتك او مصابة بالداء
بحبك فى فرحك وبحبك فى الاهات
++++++ +++++++ +++++++
بلادى يا بلادى انا بحبك يا بلادى
بحب نيلك ولو مش نضيف
بحب قمرك المخنوق ورا البنايات
بحب شمسك ولو فى عز الصيف
بحبك وانتى مخنوقة فى المواصلات
+++++ +++++ ++++++
بلادى يا بلادى أنا بحبك يا بلادى
بحبك وانتى مسروقة عينى عينك
بحبك وانتى قوية فى الأزمات
بحبك والكل طمعان فى أرضك
بحبك يا بلادى فى كل الأوقات
( العنوان للراحل الفنان بليغ حمدى )

كلمات / هانى