يا خااااااااااااااال
شكلنا يا خال مكتوب علينا الهم طول ما احنا عايشين
شكلنا يا خال مكتوب علينا ندوق المر ونسف الطين
شكلنا يا خال هنعيش فيها ميتين
وندوق كل صنوف العذاب
جهل
تخلف
فقر
دول حتى يا خال عذبونا بإسم الدين
يا ولاااااااااد الملاعين
==================
اصبر يا ولدى وإشرب من الصبر كاسه
محدش يا ولدى بيفصل الدنيا على مقاسه
ده الصبر يا ولدى مايروحشى غير لناسه
وكلمة نشكر الله بتهون على اللى الزمن داسه
=========================
صبر ايه يا خال اللى بتقول عليه
ده نص الشعب يا خال ... دلوقتى بيمد ايديه
عارف احنا بقينا عاملين زى ايه
كأن واحد عيان عشمان فى واحد ميت يديه
والفاسد فى بلدنا ياخال . على فساده بنقويه
يا ولااااااااد الايه
======================
حب البلد يا ولدى واصبر عليها
يمكن بكرة يا ولدى ربنا يديها
ولا تحتاج فى يوم تمد ايديها
وأهى ازمة يا ولدى وربنا يعديها
====================
مش هتعدى يا خال وفيها العفن ده كله
ناس مش لاقية تاكل .. وناس ناهبة الرزق كله
وناس غرقانه فى العز . وناس لابسة الخاذوق كله
ولما تقول ليه ده كله ؟
دى ارزاق ... وربك مقسم الرزق كله
يعنى اتكتب ليكم لوحدكم الرزق كله ....؟
خلاص يا عم خدوه كله ...
وافرحوا بيييييييه
================
معلشى يا ولدى اصل الدنيا ......،
اسكت يا خاااااااال
طب يا ولدى الدنيا فانية
ما تسكت يا خاااااااال
ربك هيفرجها يا ولدى
طب خد ربى انت العيال
وانا لاقى آكل يا ولدى
يبقى اتنيل واسكت يا خاااااااااال
هانى ملاك
ليست هناك تعليقات:
إرسال تعليق